Feb 28, 2009

బ్లాగరులకు సూటిగా ఒక ప్రశ్న

నేను బ్లాగ్ లోకం లోకి కొత్తగా వచ్చా ఇక్కడ చాల మంది బహుముఖ ప్రజ్ఞ శాలురు ఉన్నారని అర్ధమైంది. కనుక నన్ను గత తొమ్మిది సంవత్సరాలు గా వేధిస్తున్న ఒక్క ధర్మ సందేహాన్ని మీ ముందు ఉంచుతున్న్న సమాధానం చెప్పిన వారికీ తగు రీతిన సత్కారం ఉంటుంది.

మనం చిన్నప్పుడు నుండి ఒక మాట తరచుగా వింటుంటాం పెద్దల మాట తు.చ . తప్పక పాటించాలి అని ఆ "తు.చ. " అంటే ఏంటో ఎవరైనా చెప్పగలిగితే సంతోషం

ఈ ప్రచురణ చూసి కామెంటు చెయ్యకుండా పొయ్యారో మీ బ్లాగు ౩ ముక్కలగు గాక

శ్రీనివాస్

Feb 26, 2009

నాలుగవ నెంబరు ప్రమాద 'రహిత' సూచిక - సహాయ ఫౌండేషన్

వీక్షకులకు మళ్ళీ నమస్కారం. క్రిందటి మూడు తుంటర్వ్యూలలో మేము వేసిన
రాళ్ళు చూసీ చూసీ విసుగు మొదలయ్యిందని ఒక బ్లాగర్ చెప్పకనే చెప్పారు
పోయిన వారం కామెంట్లలో. అదీకాక ఈవారం బ్లాగుల్లో కాస్త ప్రశాంతంగా ఉంది.
కనుక మా కెలుకుడు కార్యక్రమాన్ని వచ్చేవారానికో లేక ఆ పైవారాలకో (మన
రెండు గాంగుల స్పందనని బట్టి) వాయిదావేస్తున్నాం. పై బ్లాగరు తో
చెప్పినట్టుగానే కాస్తంత అర్ధవంతమైన ఇంటర్వ్యూ ప్రెజెంట్ చేసే ప్రయత్నమే
ఇది.

ముందుగా కొంచం ఫ్లాష్ బ్యాక్ (అదేనండీ మొహం మీద చక్రాలన్నమాట):

రీడిఫ్ చాట్ హైదరబాద్ రూం ఈ దశాబ్ది మొదట్లో కళకళలాడుతుందేది జనాలతొ.
అందులో ఒక డజను మందికి ఉన్నట్టుండి కలవాలనే బుద్ధి పుట్టింది. తీరా
కలిశాక మీటింగ్ & ఈటింగ్ బదులు కాస్తంత ప్రయోజనకరమైన పనులు చెయ్యచ్చు కదా
అనే బుధ్ధి పుట్టింది. వెంటనే షిఫ్ట్ (సర్వీస్ ఎండ్ హెల్ప్ ఇన్ ఫ్రీ టైం)
అనే గ్రూపు ఏర్పడడం, "మోహన్ ఫౌండేషన్" వారితో మాట్లాడటం, అవయవ దానం పై
అవగాన పెంచే కార్యక్రమాలు నిర్వహించడం వెంటవెంటనే జరిగిపోయాయి. అలాగే ఇతర
సంస్థలకు "మనిషి సాయం" అందించే సంస్థగా కూడా షిఫ్ట్ రూపుదిద్దుకుంది.
రక్తదాన శిబిరాలు, ఆడపిల్లల చదువులకు సహాయం, బీద రోగులకు సహాయం గట్రా
గట్రా జరిగాయి.

కానీ ఎంతయినా ఆంధ్రులం కదండీ? ఎక్కడికిపోతుంది ఆరంభ శూరత్వం?
ఉన్నట్టుండి చాలామంది అందుబాటులో లేకుండాపోవడంతో చాలా కార్యక్రమాలకి
పురిట్లోనే సంధి కొట్టింది. "మా తాతలు నేతులు తాగారు" అన్నరీతిలో
గొప్పలు చెప్పుకోవడం తప్ప గడచిన సంవత్సరంలో ఈ సంస్థ చేసింది శూన్యం.

ఈ సుత్తంతా ఎందుకంటే బ్యాంకులో చిన్న మొత్తంలో డబ్బు ఉండీ కూడా ( దాదాపు
35 వేల రూపాయలు) మనుషులు లేక సొమ్మసిల్లిన సంస్థ మా షిఫ్ట్. అంతకుముందే
తెలిసినా, మనుషుల విలువ నిజంగా ఏమిటో అప్పుడు మాకు తెలిసొచ్చింది -
ఎవరినడిగినా వందో వెయ్యో డొనేషన్ ఇచ్చేవాళ్ళు తప్ప వచ్చి పనిచేసేవాళ్ళు
దొరకలేదు. మాలో కొంతమంది సభ్యులు టీ మేడ్ (TMAD), తెలుగు ఫౌండేషన్ లాంటి
గ్రూపులలో చేరిపోయారు.

ఇదే సమయంలో షిఫ్ట్ సభ్యుడయిన శ్రీనివాస్ ("ఛీ! వీళ్ళింతే" అనుకున్నాడో
ఏమో) "సహాయ ఫౌండేషన్ అనే సంస్థని స్థాపించడం, వెనువెంటనే దానికి
ప్రపంచం నలుమూలలనుండి స్పందన లభించడం జరిగిపోయాయి. ఈ ఫౌండేషన్ గురించి
శ్రీనివాస్ నోటినుండే విందాం. (క్రిందటి రవిగారి ఇంటర్వ్యూ లాగానే ఈసారి
కూడా యహూ మేసెంజర్, జీ మెయిల్, స్కైప్, సైట్ స్పీడ్ ద్వారా చర్చ జరిగింది
- (అన్నట్టు స్కైప్ కన్నా సైట్ స్పీడ్ బాగుందండోయ్ .. ఒక సారి వాడి చూడండి)





నమస్తే శ్రీనివాస్!
శ్రీనివాస్: నమస్తే అన్నయ్యా!
మలక్పేట్ రౌడీ: వెయ్యాల్సిన సుత్తంతా ముందే వేసేశాం కాబట్టి ప్రోగ్రేం
లోకి జంప్ అయిపోదాం!

1. నీ గురించి కాస్త సెల్ఫ్ డబ్బా

శ్రీనివాస్: నా పేరు శ్రీనివాస్ .. సహాయ ఫౌండేషన్ ఫౌండర్ మరియు
ప్రెసిడెంట్ .... నేను వ్యాపారవేత్తను .. ....మా ఊరు ఒంగోలు

Sahaaya Blog: http://sahaayafoundation412.blogspot.com/

Sahaaya Website: http://sahaayafoundation.co.cc/



2. "సహాయా" ఏమిటి? ఏం చేస్తుంది??


శ్రీనివాస్: ఈ వీడియో మా గురించి క్లుప్తంగా చెప్తుంది









అనాధలకు వృద్దాశ్రామలలోని వృద్దులకు సహాయం చెయ్యాలనే ఉద్దేశం తో సహాయ
ఫౌండేషన్ స్థాపించడం జరిగింది. మొదటి సంవత్సరం సహాయ మెంబర్స్ అనేక
అన్నదా శరణాలయాలు మరియు వృద్దుల శరణాలయాలు సందర్శించి వారి కనీస
అవసరాలు తీర్చడం జరిగింది తర్వాత మరుగున పడి ఉన్న అనేక శరణాలయాలు వెలుగు
లోకి తెచ్చి వాటికి అన్నిటికి సహాయ సహకారాలు అందించడం సహాయ ఫౌండేషన్ కి
కాస్త సాధ్యం గా భావించి అనేక కార్పోరేట్ కంపెనీల ను సందర్శించి
ఒక్కొక కంపెని నుండి ఒక్కొక శరనాలయమునకు దీర్ఘ కాల సహాయ సహకారాలు
అందేలా చూడడం లో సహాయ ఫౌండేషన్ చాల వరకు విజయం సాధించింది అదే
మాదిరిగా వికలాంగులు అంధులు వారి చదువు కి కావాల్సిన అన్ని రకాల సహాయ
సహకారాలు అందించడం --- అంటే అంధులకు వారి పాఠ్యమ్సాలు రికార్డు
చెయ్యడం ... వారికీ దగ్గరుండి వారు చెప్తుంటే వారి పరీక్ష లు రాసి
పెట్టడం వంటి కార్యక్రమాలు సహాయ ఫౌండేషన్ చేస్తుంది అదే మాదిరిగా సమాజం
లో సేవ చెయ్యాలని చాల మందికి ఉంటుందిఅలా చెయ్యాలనే వారికీ సమాజం లో
సరైన అవసరం ఎక్కడ ఉంది అని తెలియజేసే బాద్యత కూడా సహాయ ఫౌండేషన్
తీస్కుంది
అత్యవసర సమయాలలోనూ సమస్యాత్మక మైన హృదయ సంబంద శస్త్ర చికిత్సల సమయాలలోనూ
(ముఖ్యం గా ఏడాది లోపు చిన్నారులకు) తాజా రక్తం అనగా అప్పటికప్పుడు తాజా
గా దాత నుండి తీస్కున్న రక్తం అవసరం అవుతుంది .. ఆ సమయాలలో ఏ బ్లడ్ బాంక్
కాని ఏ వైద్యుడు కాని ఏం చేయలేని పరిస్థితి .. ఈ పరిస్థితి ని ఈ సమస్య ని
అధిగమించి అత్యవసర సమయాలలో రక్తం అందచేయాలనే ఉద్దేశం తో సహాయ ఫౌండేషన్
బ్లడ్ ఇన్ ఎమర్జెన్సీ అనే మహోన్నత కార్యక్రమానికి శ్రీకారం చుట్టింది.

ఈ కార్యక్రమం లో భాగం గా రక్త దానం చేసే మంచి మనసున్న దాతల వివరాలు
తీస్కుని అత్యవసర సమయాలలో ఆ దాత ని దగ్గరుండి పేషెంట్ దగరకు తీసుకెళ్ళి
రక్తాన్ని పూర్తీ ఉచితంగా దానం చేసే లా చూడడం గత సంవత్సర కాలం గా ఎన్నో
వ్యయ ప్రయాసల కోర్చి సహాయ ఫౌండేషన్ మెంబర్స్ బ్లడ్ ఇన్ ఎమర్జెన్సీ ని
నిర్వహిస్తూ వస్తున్నారు

3. మిగతావారు ఎలా సహాయపడవచ్చు ?

మిగతా వారు సాయం చెయ్యాలంటే సహాయ ఫౌండేషన్ ని సంప్రదిస్తే వారికి ఆ సమయం
లో సహాయ ఫౌండేషన్ చేపడుతున్న కార్యక్రమాలు గురించి తెలియ జేయడం
జరుగుతుంది అవసరం లో ఉన్న అనాధలకు ఆర్తులకు దాతల సహాయం నేరుగా అందేలాగా
సహాయ ఫౌండేషన్ చూస్తుంద.మనసున దాతలు స్వయం గా వారి బ్లడ్ గ్రూప్ వివరాలు
సహాయ కి మెయిల్ చేయాల్సిందిగా కోరుకుంటున్నాను

4. మీకు ఇచ్చిన విరాళం గంగపాలు కదన్న గేరంటీ ఏమిటి?

సహాయ ఫౌండేషన్ విరాళాల కోసం ఎప్పుడు చూడలేదు సహాయ కి కావాల్సింది
వ్యక్తుల మద్దతు . సహాయ ఫౌండేషన్ ద్వారా అవసరం లో ఉన్న వారికి దాతల
ద్వారా సహాయం నేరుగా అందితే చాలు .

మనసులో మాట బ్లాగర్ సుజాత గారు సంప్రదించి నప్పుడు నేను ఇదే మాట వారికీ
ఇదేమాట చెప్పాను ధన వస్తు సహాయలకన్న వాలంటరీ వర్క్ చేసేవారు కావాలి .. ధన
సహాయం కన్నా కూడా మీ సాహాయం నేరుగా వారికీ చేరాలా చూస్తుంది సహాయ
ఫౌండేషన్
అంతే కాకా ఇతర దేశాల్లోని వారు విరాళం మాత్రమే ఇవ్వగల వారు సహాయ
ఫౌండేషన్ ఈ రెండు సంవత్సరాలు చేసిన కార్యక్రమాలు చూసినట్లయితే
వారికి మరో గారంటీ అవసరం లేదు ... అందులోను సహాయ ఫౌండేషన్
రిజిస్ట్రేషన్ ఐన సంస్థ ఇందులో ఉన్న కమిటీ సభ్యులందరూ బందువులు
కారు సమాజం లోని వివిధ వర్గాలైన విద్యార్ధులు వ్యాపారులు ఉద్యోగులు
మరియు రీసెర్చ్ స్కాలర్స్ ఇందులో సభ్యులుగా ఉన్నారు. గంగపాలయ్యే
అవకాశమే లేదు

5. ఈ మధ్య నిర్వహించిన మేగా హిట్ ఈవెంట్ గురించి ...

We conducted an event with visually challenged but extremely talented musicians at Hyderabad. The event was a grand success. Here are a few videos pertaining to that



















మలక్పేట్ రౌడీ: Thank you Sreenivas and Thank you all.

మరో మిక్స్ - "ఆగే భీ జానే న తూ"

బేక్ గ్రౌండ్ అంతా కంపోజ్ చేసి పాడడానికి ఎవరూ దొరకకపోతే వెంటపడి, వేధించి, సాధించి, బాధించి, కట్టేసి, మా ఆవిడ చేత బలవంతంగా పాడించిన పాట ఇది :))


Get this widget | Track details | eSnips Social DNA

Feb 22, 2009

మూడవ నెంబరు ప్రమాద సూచిక - తుంటర్వ్యూ : రవిగారి రాగలీలలు

ప్రమాదవనానికి విచ్చేసిన వీక్షకులకు మళ్ళీ స్వాగతం. ఈ సారి మా గెస్ట్ హోస్టెస్ టెక్సస్ (పోని ఠెక్సస్ అనుకోండి) తింగరబుచ్చిగారు.

మలక్పేట్ రౌడీ: నమస్తే టెక్సస్ తింగరబుచ్చిగారూ! పాదాభివందనం! మీ పేరు వెనకాల కథ?

తింగరబుచ్చి: అబ్బే! పెద్ద కథేంలేదండీ! నాది ఠెక్సస్. ఏదో బుష్ మీద అభిమానం తో ఆడపిల్లనైనా సరే "టింగురంగా బుష్" అని పునర్నామకరణం చేశారు. అది కాస్తా ఇండియనైజ్ అయ్యి తింగరబుచ్చిగా రూపాంతరం చెందింది.

మలక్పేట్ రౌడీ: సరే! మన కార్యక్రమం లోకి దూకేద్దాం!!

తింగరబుచ్చి: ఈ నాటి మన ముఖ్య అతిధి రవిగారు !!!

నమస్తే రవిగాడూ, సారీ రవిగారూ, సారీ రవిగారుగాడూ, సారి రవిగాడుగారూ ... సర్లేండి ఏదో ఒకటి .. ! కుశలమా?

రవిగారు: ఏం కుశలమోనండీ! ఆ బ్లాగ్లోక కౌరవులతో ఈ పాండవుల బ్లాగ్యుద్ధం సాగినంతకాలం ఏమి చెప్పలేం!

తింగరబుచ్చి సరే, ఇక e-ష్టావధానం
1. మీ సెల్ఫ్ డబ్బా ప్లీస్?
రవిగారు: కవిత్వం లో భావుకుడిని, కోపం లో గంధకపుపొడిని, కుట్రలు బయటపెట్టడం లో అమ్మవడిని వెరసి రవిగారిని !

2: మీరు పుట్టినప్పుడు "అమ్మా అమ్మా" అని కాకుండా "అమ్మాయ్ అమ్మాయ్" అని ఏడ్చారని భోగట్టా. దానికి మీరేమంటారు?

రవిగారు: ఇదంతా నామీద జరిగిన విదేశీ కుట్ర. పుట్టక ముందు విదేసి పర్యటనకేళ్ళి, వచ్చేలోగా ఇలా ప్రచారం జరిగింది.
అసలు నేరం నాది కాదు. ఆ నర్సుది. పుట్టగానే నా బుగ్గ గిల్లితే "అమ్మోయ్ అమ్మోయ్" అని ఏడిస్తే గిట్టని వాళ్ళు "అమ్మాయ్ అమ్మాయ్" అన్నానని ప్రచారం చేశారు.

3: ఇప్పుడు జరుగుతున్న బ్లాగు గొడవలపై మీ వ్యూపాయింట్?
రవిగారు: వెనకటికి విష్ణుమూర్తి ప్రత్యక్షమై ఏం వరం కావాలొ కోరుకోరా భక్తా అంటే మా మేన మామ చెవిలో వెంట్రుకలు మొలిపించు తత్తిమాది నే చూసుకుంటాను అన్నట్టుంది ఇది. మనం ఏం రాసినా బూతులని ప్రచారం చేసి జనాలని ఉస్కోమనిపించి గాలి పోగుజేసుకుని గొడవ చెయ్యడం తప్పా ఇక్కడ గొడవలు జరిగే పెద్ద విషయమేమీ లేదు. ఇక్కడి బ్లాగర్లను బ్లాగించి బాధించడమే ఆ గేంగ్ ఉద్దేశ్యం.

4: మీరెక్కడికెడితే అక్కడ గొడవలని జనాలు ఉవాచ. మరి మీరో?
రవిగారు: ఏమిటోనండీ, చిన్నప్పటినుండీ నాకు మబ్బు రామయ్యలా ఉండటం అలవాటు లేదు. ఎక్కడికి వెళ్ళినా పార్టిసిపేట్ చెయ్యడం, తోచింది తప్పని మొహం మీదే చెప్పడం, భట్రాజు పొగడ్తలు పొఘడకపోవడం, చెంగ చెయ్యకపోవడం అలవాటు. హీ హలవాట్లే ఘొడవలకి హసలు కారణాలు. అయ్యో ఇదేంటి ఎన్. టీ. ఆర్. స్టైల్ దైలాగులొస్తున్నాయ్?

5: ఈ ప్రశ్న రౌడి గారికి: "రవిగారు" - ఫుల్ ఫార్మ్ ప్లీస్?

మలక్పేట్ రౌడీ:

' ర ' మ్యమైన ప్రదేశములో
' వి ' కసించే తామరలకు
' గా ' రముతో కాంతినిచ్చే
' రు ' ధిరవర్ణ సూర్యుడు

6: రవిగారూ, ఇంతకీ మీ వయస్సు ఎంతో చెప్పారు కాదు

రవిగారు: అంతర్జాలంలో వయస్సు ఎప్పటికీ ఒకేలా ఉంటుంది. మగవాళ్ళందరికి - 27, న్యూయోర్క్, ఆడవాళ్ళకి 25 శేన్ ఫ్రేన్సిస్కో - అంతేగా?

7: ఇంతకీ మీకేదిష్టం? సున్నుండలా? రవ్వలడ్లా?

రవిగారు: అమ్మో దీనిగురించి మాట్లాడి ఇంకో వివాదం సృష్టించదలచుకోలేదు. నన్నొదిలేయ్ తింగరితల్లోయ్!!

8: సరే - ఆఖరి ప్రశ్న: మిమ్మల్ని బ్లాగు జడ్జిగా పెడితే ఏ బ్లాగులకి బహుమతులిస్తారు?

* అత్యుత్తమ చెంగ బ్లాగు:
* అత్యుత్తమ చెత్త బ్లాగు:
* అత్యుత్తమ బూతు బ్లాగు:
* అత్త్యుత్తమ కెలుకుడు బ్లాగు:
* అత్యుత్తమ వివాదాస్పద బ్లాగు:
* అత్యుత్తమ వినోదాత్మక బ్లాగు:
* అత్యుత్తమ అర్ధరహిత బ్లాగు:
* అత్యుత్తమ గోల బ్లాగు:
* అత్యుత్తమ అమ్మలక్కల బ్లాగు:
* అత్యుత్తమ నాన్నలన్నల బ్లాగు:

రవిగారు: ???????????

తింగరబుచ్చి: మీకు కష్టమయితే ఒక లైఫ్ లైన్ వాడుకోవచ్చు - ఫోన్ ఎ ఫ్రెండ్...

రవిగారు: సరే! వాడుకుంటా..

తింగరబుచ్చి: ఎవరికి ఫోన్ చెయ్యమంటారు?

రవిగారు: ఆ నలుగురికీ :))

తింగరబుచ్చి: ఆ నలుగురూ లైన్లోకి వచ్చారు.

రవిగారు: అయినా ఎందుకు లేండి, ఏదో గొడవయ్యేలాఉంది. నేను సమాధానం చెప్పను. నిర్ణయాన్ని మన వీక్షకులకే వదిలేద్దాం. చూద్దాం వాళ్ళేమంటారొ కామెంట్లలో.

తింగరబుచ్చి: సరే - ఇప్పుడు ఉత్తమ బ్లాగ్ డైలాగ్ పోటీ కి వచ్చేద్దాం. వీక్షకులు మాకు ఫోన్లు చేసి చెప్పిన వాటిత్లో ఉత్తమమైనదానిని ఉత్తమ డైలాగ్ / మొనొలాగ్ గా ప్రకటిస్తాం.

ముందుగా ఫోన్ చేస్తోంది - ఒమేగా స్టార్ సిరంజిగారు: "థాంక్స్ చెప్పద్దు - నీకెవడయినా కామెంట్ వ్రాస్తే నువ్వు మరో ముగ్గురికి వ్రాయి"

తరువాత ఫోన్: బోల్డ్ స్టార్ గోలయ్య గారు: "నేను బ్లాగు తెరిస్తే ఆ బ్రౌజర్ లోంచి వచ్చే క్లిక్కు శబ్దానికే చచ్చిపోతావ్రా నువ్వు!"

తర్వాత: జూనియర్ MTR గారు:

మలక్పేట్ రౌడి: జూనియర్ ఎం. టీ. ఆరా? అంటే ఉప్పు ఫేక్టరీ యజమాని కుమారుడా?

తింగరబుచ్చి: అబ్బా! ఈయన పెద్ద నటుడండీ. ముందు చెప్పేది వినండి.

జూనియర్ MTR: నువ్వు లాగూలు కట్టిన వయస్సులోనే నాకు బ్లాగులు రాయడం నేర్పాడ్రా మా తాత!

తింగరబుచ్చి: తర్వాత ఫోన్: ఇదేమిటండి? కంట్రీ కోడ్ "-1" అని వస్తోంది?

మలక్పేట్ రౌడి: అది పైలోకాన్నించి అయ్యుండచ్చు. ఎవరో చూద్దాం . అహో! సీనియర్ ఎం. టీ. ఆర్. గారు.

సీనియర్ MTR: (నేరెళ్ళ వేణుమాధవన్ స్టైల్ లో) "ఔరా! ఈ రచనా చమత్కృతి ఏమియో గాని ప్రకృతి సిద్ధమునధక్కరించుచూ కురుసార్వభౌముడనైన నా మానసమును సైతమాకర్షింపజేయుచున్నదే! హూ! ఇవి బ్లాగు భంజికలు. నేనెంత భ్రమపడితినీ! ఈ వి 'గ్నా' నాంధకారమున అ 'గ్నా' నాంధకారమెచటినుండి వచ్చుచున్నది? ఇది మయుని రచనా విశేషము కాదు చెంగబ్లాగునాయుని కుట్రయని అవగతమగుచున్నది!"

తింగరబుచ్చి: ఆహా! ఓహో!! గుక్క తిప్పుకోకుండా చెప్పేసారు. తరువాతి కాలర్ పోలిస్ స్టోరీ బోయ్ కుమార్ గారు

బోయ్ కుమార్: "కూడలిలోకి రావద్దన్నావుగా! అందుకే కూడలినే హేక్ చేశా"!

చివరగా శ్రవణ్ కల్యాణం గారు: "నువ్వు గుడుంబా సత్తివో బ్లాగుల్లో కత్తివో నాకనవసరం. నేను మాత్రం సిద్ధూ సిద్ధార్ధ్ రాయ్"

తింగరబుచ్చి: రౌడీ గారూ! జడ్జ్మెంట్ టైం.

మలక్పేట్ రౌడీ: మళ్ళీ నిర్ణయాన్ని మన వీక్షకులకే వదిలేద్దాం. చూద్దాం వాళ్ళేమంటారొ కామెంట్లలో.

తింగరబుచ్చి: ఉండండుండండి. మరో కాల్. ఎదో ఆల్ ఇండియా కుక్కల సంఘం అంటున్నారు.

మలక్పేట్ రౌడీ: కుక్కలు ఫోన్ ఏమిటండీ? అక్కసున్న అక్కలయ్యుంటారు. సరిగా వినిపించి ఉండదు - సరిగా వినిపించి ఉండదు - అసలే మీకు కాస్త చెముడు కూడానూ.

తింగరబుచ్చి: అక్కలు కాదండీ బాబూ. కుక్కలే - మొరిగిన / మొరుగుతున్న కుక్కలంటున్నారు.

మలక్పేట్ రౌడీ: ఇదెక్కడో విన్నట్టుందే - ఆయనెవరో బ్లాగులో అన్నమాటకదూ ఇది? సరే లైన్ కలపండి.

కుక్కలు: WHO LET THE BLOGS OUT .. WOOF WOOF ..
WHO LET THE BLOGS OUT .. WOOF WOOF ..

THIS IS OUR REVENGE ON HUMANS .. WOOF .. BOOOO BOOOOO
WHO WROTE THE SONGS ON US DOGS .. WOOF .. BOOOO BOOOOO
IF YOU CAN GETAWAY WITH THAT THING ...
WE CAN ALSO DO THE SAME AND BITE BACK ...

WHO LET THE BLOGS OUT .. WOOF WOOF ..
WHO LET THE BLOGS OUT .. WOOF WOOF ..


మలక్పేట్ రౌడీ: పాటలు సరేగాని .. విషయానికి రండి.

కుక్కలు: మేము ఈ తుంటర్వ్యూ ద్వారా ఆ నలుగురికి ఒక విన్నపం చేసుకుందామనుకుంటున్నామండీ!

తింగరబుచ్చి: సరైన సమయానికే చేశారు. ఆ నలుగురూ ఇంకా లైన్లోనే ఉన్నారు. చెప్పండి.

కుక్కలు: అయ్యా / అమ్మా! మమ్మల్ని మీతో పోల్చి వారెవరో మా గౌరవాన్ని పెంచారు. మీరు మాత్రం పొరపాటున కూడా వాళ్ళని మాతో పోల్చవద్దు. మేమందరం ఆత్మ హత్యలు చేసుకోవాల్సి వస్తుంది అవమానం భరించలేక. మమ్మల్ని కనీసం ఈ కుక్క బ్రతుకన్నా బ్రతకనివ్వండి. ఇక సెలవు.

తింగరబుచ్చి: ఆ నలుగురూ! విన్నారుగా? ఈ కుక్కల మీద దయచూపండి ప్లీస్. ఇంతసేపు లైన్లో ఉన్న మీకు మా ధన్యవాదాలు. రవిగారూ, అడిగిన వెంటనే తుంటర్వ్యూ ఇచ్చిన మీకు కూడా!

తింగరబుచ్చి: రౌడీ గారూ ఇక పేరడి టైం.. ఈ సారికొక విన్నపం. పేరడిల బదులు ఒక కొత్త పాట పాడండి.

మలక్పేట్ రౌడీ: సరే! ముందుగా తెలుగు పండితులకి, తెలుగు సాహితీ ప్రియులకి క్షమాపణలు. ఇది కేవలం సరదాకోసం మాత్రమే.

ఒక తెలుగు పండితుడు విధిలేక ఓ రవితేజ సినిమాకు వ్రాసే మసాలా పాట ఇలా ఉంటుందేమో?

పల్లవి:

నీ ఊసులతో సృష్టిస్తా ఉత్పలమాల
నీ చెంపలపై రాసేస్తా చంపకమాల
మెడ చూసి అల్లుతా మత్తెభాన్ని, శిగపేరుతో కుమ్మేస్తా శార్దూలాన్నీ
నీ మొహం నుండి పుట్టిస్తా ముత్యాలసరమే ... !

నీ ఊసులతో సృష్టిస్తా ఉత్పలమాల
నీ చెంపలపై రాసేస్తా చంపకమాల
మెడ చూసి అల్లుతా మత్తేభాన్ని, శిగపేరుతో కుమ్మేస్తా శార్దూలాన్నీ
నీ మొహం నుండి పుట్టిస్తా ముత్యాలసరమే ... !


చరణం 1:

నీ ఆటా పాటా నాకు ఆటవెలది
నీ తలపు వలపు నాకు తేటగీతి
సింగారించిన నడుము సీసపద్యమే
కందిపోయే నీ బుగ్గ కందమేలే

నీ మొహం నుండి పుట్టిస్తా ముత్యాలసరమే ... !

చరణం 2:

నువ్వే వయ్యారం వలకబోస్తే భట్టి విక్రమార్కులూ భ ర న భ భ ర వ
నువ్వే అందాన్ని ఆరబోస్తే నల చక్రవర్తి కూడ న జ భ జ జ జ ర
నీ కాలి అందెల చప్పుళ్ళకి మారు మూల పల్లె కూడ మ స జ స త త గ
నీ వాలు కళ్ళ చూపులకేమో శతవయో వృధ్ధులూ స భ ర న మ య వ

నువ్వే గురువయితే నేనే లఘువవుతా
నువ్వే గురువయితే నేనే లఘువవుతా

నువ్వే నా తోడయితే య మా తా రా జ భా న సా ...
నీ మొహం నుండి పుట్టిస్తా ముత్యాలసరమే ... !

పల్లవి:

నీ ఊసులతో సృష్టిస్తా ఉత్పలమాల
నీ చెంపలపై రాసేస్తా చంపకమాల
మెడ చూసి అల్లుతా మత్తేభాన్ని, శిగపేరుతో కుమ్మేస్తా శార్దూలాన్నీ
నీ మొహం నుండి పుట్టిస్తా ముత్యాలసరమే ... !


రవిగారు: మలక్! వెళ్ళేముందు ఒక ప్రశ్న - ' రాగ లీలలు ' అని టైటిల్ పెట్టారు కదా - ఈ రాగ అంటే ఎవరండీ? ఎప్పుడూ కలవలేదే?

మలక్పేట్ రౌడీ: అయ్యో! అమ్మాయి కాదండి బాబూ. మీరు ఊరుకోండి. తింగరబుచ్చిగారూ మీకు ధన్యవాదాలు. వీక్షకులారా! వచ్చేవారమో, ఆ పైవారమో లేక నాలుగయిదు వారాల తరవాతో మళ్ళీ కలుద్దాం. అంతవరకూ సెలవు, ధన్యవాదాలు, రవిగారికీ, తింగరిబుచ్చి గారికీ, వీక్షకులకూ పాదాభివందనాలు.

తింగరబుచ్చి: చివరగా --- రౌడీగారూ, మీ పేరు చెప్పలేదు. ఇప్పుడు చెప్తారా?
మలక్పేట్ రౌడీ: అబ్బే ఎందుకు లెండీ!
తింగరబుచ్చి: చెప్పండి ఫరవాలేదు
మలక్పేట్ రౌడీ: వసుదేవుడండీ :))
తింగరబుచ్చి, రవిగారు: ఆ (((((( !!!!!!!!!!!!!!!!!!!!!!!!!!!!

Feb 19, 2009

మరో చచ్చు కవిత - 'సినిమా' హా ప్రస్థానం

Earlier published on TP

'సినీ మా' హా ప్రస్థానం - స్వర్గీయ శ్రీ శ్రీ గారికి క్షమాపణలతో
--------------------------------------------------------------------------------------------

ఏ సినిమా చరిత్ర చూసినా
ఏమున్నది గర్వకారణం?
సినీమాల చరిత్ర సమస్తం
నరపీడన పారాయణత్వం

సినిమాల చరిత్ర సమస్తం
స్టార్ హీరోల పాద సేవనం
సినిమాల చరిత్ర సమస్తం
చెంచాల వీరవిహారం

సూపర్స్టార్ పాత్ర ప్రధానం
తారాగణ అతివికారం
సినిమాల చరిత్ర సమస్తం
ప్రేక్షకులను కాల్చుకు తినడం

దర్శకుడే హీరొయిన్లచే
వ్యభిచారం చేయించాడా?
పరకాంతలు తెలుగు భామలై
సినీరంగమున ప్రసిద్ధికెక్కిరి

రాసక్రీడలు లేని చోటు టా
లీవుడ్ లో వెదకిన దొరకదు
హీరోయిన్ తడిసె వర్షమున
లేకుంటే హీరో స్వేదములో

కల్లోలిత సంసారాలు
దిగజారిన సంస్కారాలు
అపహాస్యపు హాహాకారం
సినిమాల్లో నీలుగుతున్నవి

అవివేకం అతిమూర్ఖత్వం
రీమేకులు కాపీ కథలూ
మాయలతో మారు పేర్లతో
సినిమాల్లో కనిపిస్తున్నవి

ఏయన్నార్ ఎంటీవోడు
శొభన్ సూపర్ స్టార్ కృష్ణ
చిరంజీవో ఎవడైతేనేం?
ఒకొక్కడూ శిరభక్షకుడు

నాగార్జున వెంకటేషులు
బాలయ్య పవన్ కల్యాణులు
మహేష్ బాబు ఉదయ్ కిరణ్ చేసిరి
మెదళ్ళతో రస పానీయం

అభిమానుల సందోహంలో
మీడియా ప్రకంపనలలో
ప్రకటనల పరంపరలో
సినిమాలను తీసిన మనుష్యులు

అంతా తమ ప్రయోజకత్వం
తామే ఇక సామ్రాట్టులమని
స్థాపించిన స్టూడియోలు
నిర్మించిన ఫిల్మ్ సిటీలూ

ప్రేక్షకుల చీత్కారంతో
పడిపోయెను పేకమేడలై
పరస్పరం సంగ్రహించిన
స్టోరీలతో సినిమా పుట్టెను

సహజమైన కథానికలు
మధురమైన సినీసంగీతం
అర్థమయ్యే మాటలు, పాటలు
ఇంకానా? ఇకపై ఉండవు

ఒక మహిళకు ఒకరే భర్త
ఒక పురుషునఒకరే పత్ని
ఉండే ఏ సినిమా అయినా
ఇంకానా? ఇకపై ఆడదు

మెగాస్టార్ ఘరానా మొగుడు
గోల్డ్ స్టార్ సమరసింహుడు
యువసామ్రాట్ మాస్ బాస్ బాస్ మాస్
సూపర్ హీరోలే అందరూ

పావలాకి రూపాయి నటన
హీరోయిన్ బికినీ వీక్షణ
సెంటిమెంటల్ చావబాదుడు
కలిపేస్తే సినిమా అయ్యెను

ఏ స్తాలిన్ ఎవడిని నరికెనో
లక్ష్మీ, మాస్ ఏ స్టేప్పేసెనో
నరసిమ్హుడి కంటిచూపులు
ఇంతేనా సినిమా అంటే?

ఏ షూటింగ్ ఎక్కడ జరిగెనో
ఏ సినిమా ఎన్నాళ్ళాడెనో
రికార్డులు గాసిప్ రచనలు
ఇదీ సినీ పత్రికల సారం

హాలివుడ్ వాడిపారేసిన
ఫార్మ్యులా ల జోలికి పోని
కథలేవో కావాలిప్పుడు
వినకుంటే ఇక వాళ్ళిష్టం

ముచ్చటైన సన్నివేశం
వెనకనున్న రచయిత ఎవ్వరు?
మణిరత్నం చీకటి షాట్లో
పనిచేసిన లైట్ బాయ్ ఎవ్వడు?

ఆకాశపు విన్యాసాల్లో
స్టంట్ మేన్ల సాహసమెట్టిది?
హీరోల స్టెప్పులు కాదోయ్
అవి నేర్పిన మేస్టర్ ఎవ్వడు?

ఏ పోరి ఎవడితో తిరిగెనో
ఏ గుంటడు ఎవతిని తార్చెనో
న్యూస్ చానెళ్ళ స్పై కేం స్టింగులు
సృష్టించెను గందరగోళం

పదికోట్లతో తీసిన చిత్రం
అది చూసిన ప్రేక్షకులెవ్వరు?
ఆ సినిమా ఏ కాలంలో
సాధించిన దే పరమార్ధం?

ఏ కథనం ఏ సంగీతం?
ఏ మధనం ఏ సాహిత్యం?
ఏ జన్మల పాపమీ చిత్రం?
ఏం చేస్తాం? ఏమీ చెయ్యలేం!!

Feb 16, 2009

రెండవ నంబరు ప్రమాద సూచిక - చెంఘీజ్ ఖాన్ చెంగాయిజం

మలక్పేట్ రౌడీ: మా ప్రమాదవనం లోకి మళ్ళీ తొంగి చూస్తున్న వీక్షకులందరికీ నమస్సులు. పోయిన వారం ఇంటర్వ్యూ సందర్భంగా పూలూ, రాళ్ళూ జల్లిన, జల్లుతున్న, జల్లబోతున్న, జల్లే ఉద్దేశ్యం లేని వాళ్ళందరికీ కృతజ్ఞతలు.

ఈ వారం మన గెస్ట్ హోస్ట్ - ఆరిజోనా అక్కుపక్షి గారు. నమస్తే అక్కుపక్షి గారూ! అలవాట్లో పొరపాటుగా అడిగే ప్రశ్న - మీకీపేరు ఎలా వచ్చిందో కాస్త చెప్తారా? మీ వాళ్ళు పెట్టిందా లేక మీరు పుట్టించుకున్నదా?

అక్కుపక్షి: నమస్తే రౌడి గారూ! మా నాన్నగారు అక్కినేని అభిమాని లేండి. ఆయనో బర్డ్ వాచర్ కూడా. సో అదీ ఇదీ కలిపి అక్కుపక్షి అని పేరు పెట్టారు.

మలక్పేట్ రౌడీ: ఏమిటండీ కొంచం కోపంగా ఉన్నట్టునారు? ఎవరిమీద?

అక్కుపక్షి: మీమీదే!!

మలక్పేట్ రౌడీ: అయ్యో! ఎందుకండీ?

అక్కుపక్షి: నాకన్నా ముందు ఆ పిట్సుబర్గు పిచ్చమ్మని పిలుస్తారా!

మలక్పేట్ రౌడీ: మీరిద్దరూ మాంచి ఫ్రెండ్సే కదా?

అక్కుపక్షి: అది ఒకప్పుడు. మొన్న సూపర్ బౌల్ జరిగినప్పటినించీ విడిపోయాం. అదికూడా ఆ పిట్స్ బర్గ్ స్టీలర్స్ కేవలం ముప్పై అయిదు సెకండ్లు మిగిలి ఉండగా టచ్ డవున్ చెయ్యడం చాలా బాధగా ఉంది.

మలక్పేట్ రౌడీ: ఓటమి గెలుపులు మన బ్లాగు గొడవల్లానే దైవాధీనములండీ! కాస్త కోపం తగ్గించుకుని ప్రోగ్రేం మొదలుపెడతారా?

అక్కుపక్షి: సరే! సరే!! ఇవాళ నాతోపాటు వచ్చిన రెండవ ఘోస్టు - అదేనండీ గెస్ట్ హోస్ట్, మన రెండో అతిధి "దయ్యాల ప్లీడరు" గారు

మలక్పేట్ రౌడీ: దయ్యాల ప్లీడరా?

అక్కుపక్షి: అంటే డెవిల్స్ ఎడ్వోకేట్. మన ప్రోగ్రేంలో అంశాలకి రంధ్రాన్వేషణ చేస్తారన్నమాట! నమస్తే దయ్యాల ప్లీడరుగారూ!

దయ్యాలప్లీడరు: నమస్తే!

అక్కుపక్షి: ఇక మన ముఖ్య అతిధి చెంగోద్దండుడు శ్రీ శ్రీ శ్రీ చెంగల్పట్టు చెంఘిజ్ ఖాన్ గారు. నమస్కారమండీ! ఇదిగో మీ హాట్ సీట్!

చెంఘిజ్ ఖాన్: నమస్కారం. ఏంటీ? హాట్ సీట్ అంటే కుంపటా?

అక్కుపక్షి: పోయినసారి కుర్చీ క్రింద కుంపటి పెడితే బొగ్గులు చల్లబడిపోయాయని ఈసారి తిన్నగా కుంపటిమీదే కూర్చోబెట్టే ఏర్పాటుచేశాం. కష్టమా?

చెంఘిజ్ ఖాన్: (స్వగతం: అబ్బే! హంసతూలికాతల్పమంత సుఖంగా ఉంటుందేం? బుద్ధుండాలి అడగడానికి!) ఫరవాలేదు లేండి. నేను 'చెంగయోగ' సాధకుడిని. కూర్చోగలను.

అక్కుపక్షి: మీ గురించి ఇక్కడెవ్వరికీ తెలియదు - కాస్త సెల్ఫ్ డబ్బా కొట్టుకోండీ ప్లీస్!

చెంఘిజ్ ఖాన్: నా గురించి క్లుప్తంగా చెప్పాలంటే - చెంగల్పట్టు ఆశ్రమ ప్రతినిధిని, రెవరెండ్ జాన్ చెంగలరావు, చెంగేశ్వర స్వామీజీ, చెంగాయ్ ల్లామా, ఈమాం చెంగుల్లా ల శిష్యుడిని. మా చెంగలసంఘం వారు మూడేళ్ళక్రితం నా చెంగలకి మెచ్చి "చెంగ్ కమేండ్.మెంట్స్" ఉపదేశించి "చెంగోద్దండ" బిరుదు ప్రదానం చేశారు.

అక్కుపక్షి: భేష్! ఇక మీ ఉపన్యాసం మొదలెడతారా?

చెంఘిజ్ ఖాన్: తప్పకుండా! అందరికీ మళ్ళీ నమస్కారం. ఈ ఉపన్యాసంలో ముందుగా మనం "చెంగ" అంటే ఏమిటో నేర్చుకుందాం. తరవాత చెంగలలో రకాలను, వాటి విశిష్టతలను తెలుసుకుందాం!

తమ పనులు మానుకుని ప్రక్కవారి పనులు చేసిపెట్టడాన్ని "చెంగ" అని నిర్వచిస్తాం. ఈ చెంగ చేసిన వాడికి లాభమేమి ఉండదు - చేయించుకున్నవాడికి కూడా పెద్దగా లాభం ఉండదు.

ఉదాహరణకి - మీరు ఆవురావురుమంటూ కాలేజిలో కేంటీన్ కి వెళ్తుంటారు. ఈ లోగా ఎవరో అమ్మయి ఎదురుపడి "నాకు అర్జెంటు పనుంది. ఈ పుస్తకాలు లైబ్రరీలో ఇచ్చెయ్యరూ, ప్లీస్?" అంటుంది. వెంటనే మీరు అక్కడికి వెళ్ళి అరగంట క్యూ లో నిలబడి, మీ డబ్బులతో ఫైన్ కూడా కట్టి కేంటిన్ కి తిరిగొచ్చేటప్పటికి, ఆమె తన బాయ్ ఫ్రెండ్ తొ కాఫీ తాగుతూ "థేంక్యూ అన్నయ్యా!" అంటుంది. దీనివల్ల మీకొరిగినదేమీ లేదు, ఆ అమ్మాయికి పెద్దగా లాభమేమీ లేదు, మీ సమయం మాత్రం వృధా. ఇది చెంగలలో అతి సాధారణ చెంగ.

మరొక ఉదాహరణ - ఆయనెవరో రవిగారని ఏమీ తోచక బ్లాగులకొచ్చి, ఎవరినో కెలికి గొడవపెట్టుకుంటే, ఆ గొడవ గురించి యాహూ లో విని ఈ రౌడీ గారు పరిగెత్తుకొచ్చి బ్లాగులు తెరిచి చెంగ చేశారే - సైబర్ చెంగ అనబడే ఇది ఇంటర్నెట్ లో చాలా కామన్.

మలక్పేట్ రౌడీ: నేను రవిగారికోసమే వచ్చానని ఎవరన్నారు? నేనొచ్చింది జనాలని కెలికిపోడానికి. లాంగ్ టెర్మ్ ఆబ్జెక్టివ్స్ ఏమి నాకు లేవిక్కడ. (స్వగతం: ఇక్కడ కాబట్టి బ్రతికిపోయావ్. ఈ దుష్ప్రచారం బయట చేసుంటే నీ సంగతి అక్కడే తేల్చేవాడిని)

చెంఘిజ్ ఖాన్: ఏమో! జనాలు చెవులు కొరుక్కుంటూ పొరపాటున నాది కూడా కొరికేశారు. ఇప్పుడే రేబీస్ ఇంజెక్షన్ చేయించుకుని వస్తున్నా!

దయ్యాలప్లీడరు: అయ్యా! నాదొక సందేహం - ఈ అన్నదానాలు, రక్తదానాలు చేసేవాళ్ళు కూడా చెంగలే అంటారా?

చెంఘిజ్ ఖాన్: అయ్యో! తప్పు తప్పు. అన్నదానం వల్ల నలుగురికి తిండి, రక్తదానం వల్ల నలుగురికి జీవితం లభిస్తాయి. అది చెంగ కాదు. కానీ హైదరాబాద్ లో ఇరవైమంది నిలోఫర్ లో రక్తదానం చేస్తే ఆ రోజు చెన్నై లో ఉన్న రౌడీ గారు "ఇది మా ('నా' అని చదువుకోవాలి) గ్రూప్ ఘనతే" అని వెబ్ సైట్ లో పెట్టుకున్నారు చూడండీ - అదీ చెంగ అంటే!

మలక్పేట్ రౌడీ: హ హ హా హా హా హా (హిపోక్రిటికల్ స్వగతం: మళ్ళీ నామీద జోకా? ఖానూ! నీకు మూడింది రోయ్!)

చెంఘిజ్ ఖాన్: ఇలాంటిదే మన పుస్తక దాన చెంగ కూడా!

అక్కుపక్షి: హి హీ హీ హీ హీ హీ హీ హీ!!!!!!!!!!!!

చెంఘిజ్ ఖాన్: ఏమిటా వెకిలినవ్వు? పార్టీలలో, సభలలో సమయం సందర్భం లేని తెలుగు సినీమా హీరోయిన్ నవ్వులా?

మలక్పేట్ రౌడీ: అయ్యా! ఆమెనేమీ అనద్దు. అలిగి బ్లాగ్ మూసేస్తుంది. చెంగరాయుళ్ళందరూ మనమీద యుద్ధానికొస్తారు. పైగా ఈమె "చెంగ్ ఫూ" చాంపియన్.

అక్కుపక్షి (మలక్పేట్ రౌడీ చెవిలో): టూ లేట్. ఈ ఖాన్ నీమీద, నామీద కూడా రాళ్ళేస్తున్నాడు. ఈ షో అయ్యాక వీడి పని పడతా!

చెంఘిజ్ ఖాన్: సరే! ఇంక చెంగలలో రకాల గురించి తెలుసుకుందాం!


చెంగలు ముఖ్యంగా రెండు రకాలు - సంకల్పిత చెంగ, అసంకల్పిత చెంగ అని. సంకల్పిత చెంగ అంటే తెలిసి చేసేది ... ఉదాహరణకి మన బ్లాగ్లోకం లో ఇద్దరు ముగ్గురి మీద జరిగిన దాడిని ఇంటర్నేషనల్ ప్రాబ్లం చేశారే, పైగా ఎక్కడో ఒక మూల ఉన్న బూతుల బ్లాగుని అందరికీ చూపించి "కుట్రో కుట్ర - ఆడవాళ్ళని బ్లాగుల్లోంచి వెలివెయ్యడానికి ఒసామా బిన్ లాడెన్ నియమించిన వ్యక్తుల కుట్ర" అని తక్కిన ఆడవాళ్ళే నవ్వుకునేలా రోజుకోసారి అరుస్తున్నారే, అది సంకల్పిత చెంగ.

ఈ అరుపుల వల్ల ఆ స్త్రీలకేమన్నా మేలు జరిగిందా? దేవుడికే ఎరుక. ఎక్కువ లాభం ఎవరికి? ఆ బూతు బ్లాగ్ వ్రాసినవాడికి పిచ్చ పబ్లిసిటీ. ఒకప్పుడు అనామకుడు - ఇప్పుడు బ్లాగరందరికీ తెలుసు. చివరికి వీళ్ళంతా చెంగ చేసిందెవరికి? ఆ బూతులరాయుడికి. ఇది అసంకల్పిత చెంగ.

చాలా సంకల్పిత చెంగలకీ సాధారణంగా అసంకల్పిత చెంగలుంటాయ్. ఇదాంతా మేక్రో స్కేలులో.

ఇక మైక్రో స్కేలుకొస్తే - చెంగలు నానావిధాలు:

* పాకిస్తాన్ కోసం ఎవడొ ఆఫ్రికా వాడు కాష్మీరంటే ఏమిటో తెలియకపోయినా వచ్చి చస్తున్నాడు చూడు - దాని వల్ల వాడికి గాని వాడి కుటుంబానికి గాని ఏమి లాభం లేదు. ఎందుకూ చాలని కొంత డబ్బు తప్ప! దీనిని జిహాదీ చెంగ అంటాం!

* మందుకొట్టి పిచ్చిగంతులేస్తున్న ఆడపిల్లల్ని చావగొట్టిన వాళ్లది - సాంస్కృతిక చెంగ - దీనివల్ల ఆ పిల్లలు మారలేదు సరికదా .. వాళ్ళ లోదుస్తులు వీళ్ళకి పంపిస్తున్నారు. "ఉన్నిబట్టలేసుకోవే తల్లీ!" అంటే ఉన్న బట్టలు కూడా ఊడబీక్కున్న బాపతు!

* ఇక ప్రతీదానికీ ప్రభువు కాపాడును అని చెప్పి డబ్బులిచ్చి మరీ మతం మార్పిస్తారే - అది మతమార్పిడి చెంగ. వీళ్ళ డబ్బులయిపోయిన వెంటనే వేరే మతం వాళ్ళూ డబ్బులిచ్చి 'రీ కన్వర్ట్' చెయ్యరూ?

* నీకు నువ్వే చేసుకునే చెంగ (నీ గురించి నువ్వే గొప్పగా బ్లాగుల్లో వ్రాసుకోవటమన్నమాట) స్వచెంగ - ఇందులో "ఇంటర్వ్యూలు చేసే స్థితిలో ఉన్నా!" అనే రవిగారిది ప్రత్యక్ష స్వచెంగ, డబ్బా కొడుతున్నట్టు తెలియకుండా డబ్బాలు కొట్టుకునే రౌడీ గారిది పరోక్ష స్వచెంగ.

* పక్కవాడికి చేసే చెంగ - పరచెంగ ("ఆహా! ఓహో! ఎక్కడికో వెళ్ళిపొయారు సార్ మీరు! మీరు " అంటూ)

* వాడు నీకు నువ్వు వాడికీ చేసేది - పరస్పర చెంగ (ఒకళ్లకొకళ్ళు పొగడ్త కామెంట్లు వ్రాసుకోవటమన్నమాట)

* సూడో చెంగ: అమేరికా వాడు పాకిస్తాన్ కి చెంగ చేస్తున్నట్టు కనిపించినా ఎక్కడ నొక్కెయ్యాలో అక్కడ తొక్కేస్తాడు. ఇది సూడో చెంగ!

* సాముహిక చెంగ: ఇది ఒక సమూహం కలిసి ఒకరికో ఇద్దరికో చేసే చెంగ. మన ఆలిబాబా .. కాదు కాదు ఖాళీ బ్లాగర్ నలభై చెంగలు. ఆయనెవరో అన్నాడు చూడండి - నేను స్లం డాగ్ చూడలేదు - అయినా దాన్ని విమర్శిస్తాను అని, అలాగే ఈ చెంగలు కూడా - స్లం బ్లాగు నేను చదవలేదు, అయినా సరే ఆయన ఎవరో చెప్పారు కాబట్టి ఖండిస్తున్నా అని.

* రాజకీయ చెంగ: అమ్మో! దీని రేంజ్ చాలా ఎక్కువ - మచ్చుకో రెండు ఉదాహరణలు:

******** ఎవడో పెద్ద లీడర్ వచ్చి స్పీచ్ ఇస్తుంటే ఫోటో కోసమ్ పక్క నిలబడి, ఆయనకి సేవలు చేసి, స్టేజ్ ఎక్కి చేతులు ఊపి చేసే చెంగ - తీరా టికెట్ వచ్చేది నీ విరోధికి!
******** భూఆక్రమణ అంటూ పేదలని ఆకట్టుకోడానికి చేసే చెంగ - ఇంతా చేసి ఓట్లు పడేది పొత్తు పెట్టుకున్న చెంగబాబునాయుడికో లేక చెంగశేఖరరావుకో!

*ఇలాంటివే ఫలానా హీరో అభిమాన 'చెంగాలు' కూడా!

* ఎవడో నీకు చెంగ చేస్తే నువ్వు ముగ్గురికి చెంగ చెయ్యటం - "పే ఇట్ ఫోర్వర్డ్" లేక "స్టాలిన్" చెంగ

* ఎవడో నీకు చెంగ చెయ్యటానికొస్తే నువ్వే వాడికి చెంగ చెయ్యటం - రివర్స్ చెంగ

* పొద్దస్తమానం పక్కవాళ్ళమీద పడి ఏడిచే చెంగ్ 'క్రై బేబీ చెంగ' - దీనిని "సీ బీ సీ" అని కూడా అంటాం

* తమ సొంత బ్లాగులకన్నా ప్రక్కనున్న ఆడవాళ్ళ బ్లాగుల్లో ఉన్న తడి తువాళ్ళ మీద ఎక్కువ ఇంటరెస్ట్ చూపించే మగవాళ్ళ చెంగని "స్త్రీవాద పురుష బ్లాగు చెంగ" లేదా "ఎస్ పీ బీ సీ " అంటాం.

* అవసరమున్నా లేకపోయినా పక్కవాళ్ళని కెలకడం - రౌడీ చెంగ!

* ఈ రవిగారు చూడండి: ఈ - తెలుగు మీటింగ్ అంటూ వెళ్ళి అక్కడేమీ చెయ్యకపోయినా ఏవో రవ్వలడ్లు తిని వచ్చారు. దీనిని "షొ-ఆఫ్" చెంగ అంటాం. పాపం ఈ - తెలుగు కోసం కష్టపడేది ఒకళ్ళు - బజ్జీలు తినేది వేరోకళ్ళు!

* అలాగీ అడిగినవాళ్ళకి అడగనివాళ్ళకి టెంప్లేట్లు చేస్తే - దాని పేరు టెంప్లేట్ చెంగ - చేసిన వాళ్ళకి ఒరిగేది ఏమి ఉండదు - చేయించుకున్నవాళ్ళకి కూడా అయ్యో పాపం వీళ్ళు తమ పనులు మానుకుని మనకేదో చేసిచ్చారే అన్న ఫీలింగ్ ఉండదు, పైగా టెంప్లేట్ పోతే చేసిచ్చిన వాళ్ల మీద అనుమానాలు!

* వీటన్నిటికన్నా వెరైటీ చెంగ ఇంకొకటుండండోయ్ - ఇందాక చెప్పినట్టు కుట్ర చెంగ. కొంతమంది మీద జరిగిన దాడిని "తెలుగు భాష మీద, తెలుగు జాతి మీద" జరిగే విదేశీ కుట్రగా వర్ణించటం. ఇంతా చేసి జరిగింది ఒకరిద్దరు మరొకరిద్దర్ని తిట్టడం. తిట్టబడిన వాళ్ళు తెలుగుకు ఎదో సేవ చేస్తున్నట్టు, వాళ్ళు బ్లాగులు వ్రాయకపొతే తెలుగు భాష బ్రతకనట్టు బిల్డప్పు. తెలుగు భాష మాట్లాడే పదిహేను కోట్లమందికి మనం మనం వ్రాసే పదిహేనువందల బ్లాగులే దిక్కా? లక్షవ వంతు కూడా లేవు ఈ బ్లాగులు తెలుగు ప్రపంచంలో! తెలుగు మనకన్నా ముందే ఉంది - మన తరవాత కూడా ఉంటుంది. మనమటుకు మనం చేయగలిగిన ఉడతాభక్తి సేవ చేస్తే చాలు - బ్లాగుల ద్వారా తెలుగు భాషని బ్రతికించేస్తున్నామని బిల్డప్పులివ్వకుండా. ఆదికవి నన్నయే ఇలాంటి గాలి కబుర్లేనాడూ చెప్పలేదు. తన గురించి గొప్పలు చెప్పుకునేవాడిగా పేరుబడ్డ శ్రీనాధ కవిసార్వభౌముడు కూడా ఈ రేంజ్ లో ప్రగల్భాలు పలకలేదు. ఇక మనమెంత?

దయ్యాల ప్లీడర్: అసలు తెలుగు భాష ఎలా నష్టపోతోంది?

చెంఘిజ్ ఖాన్: ప్రస్తుత పరిస్థితులలో ప్రముఖ పుస్తకాలన్నీ ఆంగ్లభాషలోనే ఉన్నాయి. దానివల్ల తెలుగు మాధ్యమం లో పెద్ద చదువులు కష్టమవుతోంది. తెలుగు భాషకు ఎనలేని సేవ చేస్తున్నామని డబ్బాలు కొట్టుకుంటున్న బ్లాగర్లలో కనీసం పది మంది ఆ పుస్తకాలని తెలుగులోకి అనువదిస్తే - ముఖ్యంగా సైన్సు పుస్తకాలని - భాషకి అంతో ఇంతో మేలు జరుగుతుంది.

మలక్పేట్ రౌడీ: నిజమే! శామ్ పిట్రోడా నాయకత్వంలో నడుస్తున్న నేషనల్ నాలెడ్జి కమీషన్ తన వంతు సహాయాన్నందిస్తుంది. ఆ విషయం ఆయనే ఆ మధ్య చికాగో లో చెప్పారు. అలా అని ఎవరూ చెయ్యట్లేదు అని కూడా అనకూడదు. వివేన్ గారు, శ్రీధర్ గారు, మహీ గ్రాఫిక్స్ వారు వ్రాస్తోంది తెలుగులోనే కదా!

దయ్యాల ప్లీడర్: మిగతా వాళ్ళకి సలహాలిచ్చేబదులు ఆ పని మీరే ఎందుకు చెయ్యకూడదు చెంఘిజ్ ఖాన్ గారూ?

చెంఘిజ్ ఖాన్: (రాజేంద్రప్రసాద్ స్టైల్ లో): ఎక్స్పెక్ట్ చేసా .. ఇలాంటిదేదో అడుగుతారని ఎక్స్పెక్ట్ చేసా. నా మటుకూ నేను అజైల్, స్క్రమ్, సిక్స్ సిగ్మా మీద పుస్తకాలు వ్రాస్తున్నా - ప్రస్తుతానికి పబ్లిషర్ వేటలో ఉన్నా!

అక్కుపక్షి: సుత్తాపండెహే! ఈ చెంగాయణం లో పబ్లిషర్ల వేటేమిటి?

మలక్పేట్ రౌడీ: సరే, చెంఘిజ్ ఖాన్ గారూ! మీరు కానివ్వండి.

చెంఘిజ్ ఖాన్: ఇకపొతే మిగిలినది ఇంటలెక్ట్యువల్ చెంగ. ఏదైనా జరిగితే చాలు దాని కూపీ లాగడమన్నమాట. ఎవడో బ్లాగులో ఏదో రాస్తే దాని జాగ్రఫీ, హిస్టరీ, సివిక్సు కలిపి డిసెక్టు చేసే అతిమేధావి వర్గం దానిగురించి అరా తీసి, రాసిన వాడెక్కడివాడు, ఎందుకొచ్చాడు, దీనివల్ల వాడికేమి లాభం అంటూ ఒక ఉచిత ఎనాలిసిస్ పడేస్తూ ఉంటారుగా - ఇంతచేసినా అది ఎవ్వడికి పనికొచ్చి చావదు. అదీ మన ఇంటలెక్ట్యువల్ చెంగ.

అక్కుపక్షి: అయితే ఈ చెంగాయిజం ఎక్కడపడితే అక్కడే ఉంటుందంటారు.

చెంఘిజ్ ఖాన్: నిస్సందేహంగా! చెంగ మహాకవి శ్రీచెంగం శ్రీనివాసరావుగారు అనలేదా - "చెంగాయిజం లేని చోటు భూస్థలమంతా వెదికిన దొరకదు" అని?

చివరగా ఒక ముఖ్యమైన విషయం. చెంగ్ కమాండ్.మెంట్స్ కేవలం కాబొయే చెంగోద్దండులకే చెవిలో ఉపదేశిస్తారు. కానీ చెంగలలో కాస్త ఆధునిక భావాలు కల విప్లవ చెంగనైన నేను వీటిని మీతో పంచుకుంటున్నా!

* Thou Shalt have no Gurus before “SarvaCHENGAchaalak”
* Thou Shalt not make unto thee any Chengraven image
* Thou shalt not take the name of the Chengoddamdas in vain
* Remember the World Chenga Day, and Keep it Chengly
* Honor thy Chengas
* Thou shalt not remain a non-Chenga
* Thou shalt not expect any benefit from your Chengaistic Activities "
* Thou shalt not leave an opportunity to do Chenga service"
* Thou shalt not bear false witness against thy fellow Changa"
* Thou shalt not covet thy Chenga’s house, nor anything that is thy Chenga's."

చెప్పాలంటే ఇంకా చాలా ఉంది గాని, సమయాభారం వల్ల ముగిస్తున్నా! ధన్యవాదాలు అందరికీ - ఓపిగ్గా విన్నందుకు !

అక్కుపక్షి: ఇంత "చెంగాలమైన" ఉపన్యాసం ఇచ్చినందుకు మీకు మా ధన్యవాదాలు చెంఘిజ్ ఖాన్ గారూ. దయ్యాల ప్లీడర్ గారూ, మీకు కూడా ధన్యవాదాలు. రౌడీ గారూ! ఇప్పుడు పేరడీ టైమ్!!

మలక్పేట్ రౌడీ: "బొంబాయి" సినీమాలో "హమ్మ హమ్మ" పాట ట్యూన్ లో:


Audio File:
-----------


http://www.esnips.com/doc/10bfe0b7-1373-40d4-922e-351594da14db/tbc2


Get this widget | Track details | eSnips Social DNA




బ్లాగ్లోకంలోకీ, నేనిపుడే వచ్చానే
వస్తూనే
బ్లాగులు కొత్తవి తెరిచీ .. చెంగే చేశానే ..
చెంగ .. చెంగ .. చెంగ చెంగ చెంగ ... హే చెంగ .. చెంగ .. చెంగ చెంగ చెంగ ...

సీనియర్ బ్లాగర్ల, వీపంతా గోకానే ప్రమాదవనంలో అందరి పైన రాళ్ళే వేశానే
చెంగ .. చెంగ .. చెంగ చెంగ చెంగ ... హే చెంగ .. చెంగ .. చెంగ చెంగ చెంగ ...

చరణం
:
రవిగారి బ్లాగ్ లోన టెంప్లేట్లు అన్నీ మాయమయ్యేనేందుకో...
సున్నుండలనబడే రవ్వలడ్లు తిన్నా తిరిగిరాలేదెందుకో...
కాగడావి
బ్లాగులేవి కూడలిలో లేవెందుకో
బూతు పురాణం, చెత్త భారతం, రాసి పెట్టినందుకో ...
చెంగ .. చెంగ .. చెంగ చెంగ చెంగ ...హే చెంగ .. చెంగ .. చెంగ చెంగ చెంగ ...

చరణం:
ఇద్దరిముగ్గురిమీద జరిగినa దాడి బ్లోఅప్ అయ్యేనమ్మడూ,
ఆడవాళ్ళపై
అహేతుకమంటూ పబ్లిసిటీ తమ్ముడూ
తక్కిన స్త్రీలకు సీనులన్నీ వెగటు పుట్టించేనిప్పుడూ
మహిళలే
మహిళా గేంగులనింత ఛీకొట్టలేదెన్నడూ!!!!!
చెంగ .. చెంగ .. చెంగ చెంగ చెంగ ... హే చెంగ .. చెంగ .. చెంగ చెంగ చెంగ ...

చెంఘిజ్ ఖాన్: రౌడీ గారూ! మీతో పోట్లాడాలనుకునేవాళ్ళకి ఒక సూచన - మీరేమి అనుకోనంటే ..

మలక్పేట్ రౌడీ: తప్పకుండా! చెప్పండి!!

చెంగిజ్ ఖాన్: ఎవరో చెప్పిన్నట్టు - ఒక పందితో బురదలో పోట్లాడేవాళ్ళు గుర్తుంచుకోవాల్సిన విషయం: కొత్త వాళ్ళకి మొదట్లో బాగానే ఉంటుంది. కాని తర్వాత అర్ధమయ్యేదేమిటంటే ఆ గొడవలో బురద మీకంటుకుటుంది - కానీ పంది మాత్రం ఎంజాయ్ చేస్తుంది - బురదలో పొర్లడం దానికలవాటే కదా! :))

మలక్పేట్
రౌడీ: హా హా హ్హ

చెంఘిజ్ ఖాన్: మీ మనసును కష్టపెట్టుంటే క్షమించండి

మలక్పేట్ రౌడీ: అబ్బే అదేం లేదండీ. మిగతా వాళ్ళ మీద రాళ్ళేస్తున్నప్పుడు నా మీద వచ్చే జోకుల్ని కూడా ఎంజాయ్ చెయ్యాలి కదా?

చెంఘిజ్ ఖాన్: మీరనవసరంగా ఆవేశపడుతున్నారు రౌడీ గారూ! నేను క్షమాపణ చెప్పింది ఆ పందులకి, మీతో పోల్చినందుకు

మలక్పేట్ రౌడీ: హా హా హా హా హా హా హా! (స్వగతం: ఖానూ! ఇంక నిన్ను ఉపేక్షించి లాభంలేదు - నీ సంగతి తేలుస్తా) ధన్యవాదాలండీ. మా అక్కుపక్షి మిమ్మల్ని తలుపు బయటదాకా దింపుతుంది.

(అక్కుపక్షి చెవిలో): బయటకెళ్ళినవెంటనే నీ "చెంగ్ ఫూ" ప్రతాపం వాడిమీద చూపించు. వెధవ! వాడి పాడె వాడే కట్టుకోవాలి. మనల్ని విమర్శించినవాడెవ్వడూ ఈ బ్లాగ్లోకంలో మిగలడానికి వీల్లేదు. ప్లీడర్ వెళ్ళిపోయాడుగా, నువ్వెళ్ళేడప్పుడు తలుపెయ్యి.

******* క్లిక్ క్లిక్ *********

మలక్పేట్ రౌడీ: వేశావా? సరే ...

ఇందుమూలముగా యావద్బ్లాగర్లకూ .... ఈ చెంఘిజ్ ఖాన్ గారి కాలో చెయ్యో విరిగిన ఎడల, లేక తల పగిలిన ఎడల, లేక ఆయన పాడె ఆయనే ఇక ముందు కట్టుకున్న ఎడల, లేక 2007 లోనే తన శ్రేయోభిలాషులతో కట్టించుకున్న ఎడల బాధ్యత మాది కాదనియు, మమ్ములను బాధ్యులను చేసిన ఎడల మా బ్లాగ్ పర్మిషనులు మార్చివేయుదమనియు, లేదా బ్లాగులు మూసివేయుదమనియూ, పిదప మా మూడువందల భజన భట్రాజు చెంగల బ్లాగ్ధాటితో విషయమును పాకిస్తానీ కుట్రగా మార్చి ప్రక్కదోవ పట్టించెదమనియూ తెలియజేయడమైనది.

అందరికీ ధన్యవాదాలు. మీలో ఇంకా ఓపిక మిగిలుంటే మళ్ళీ వచ్చే వారం కలుద్దాం - రవిగారి చెంగ .. సారీ ... ఇంటర్వ్యూ లో !


Feb 8, 2009

ఒకటవ నెంబరు ప్రమాద సూచిక - పిచ్చమ్మ పరాచికాలు - ఇంటర్వ్యూ !!

మలక్పేట్ రౌడీ:

'ప్రమాద'వనం లొకి తొంగి చూసే వీక్షకులందరికి నమస్కారం, మరీ అమేరికనైజ్డ్ అయిన వాళ్ళందరికి హెల్లోలు, 'యో' 'యో' లు. బ్లాగర్లలో మహా బ్లాగర్లు వేరయా (మహిళా బ్లాగర్లు కూడా వేరయా) అని ఎవరొ వెబ్బర్ అంటేను అలాంటి మహా బ్లాగర్లని , మహా వెబ్బర్లని గుర్తించదలచి మా 'ప్రమాద'వనం లొకి ఆహ్వానించి పిచ్చ'పార్టీ' జరిపించాలని నిర్ణయించాం.అందరికీ ఇక్కడ పెద్ద పీఠం వేస్తూ మా ఈ కుంపటి తొ వేడి చేసిన కుర్చీ పై కూర్చోబెట్టి నిప్పుల వేడి కన్నా వాడిగా ఉండే ప్రశ్నలతో విసిగిద్దామని డిసైడ్ చేసాం!

మన ఈ మొట్టమొదటి కార్యక్రమాన్ని హోస్టు చేసేది (అంటే "గెస్ట్ హోస్టెస్" అన్నమాట) కేరోలైనా కేకాక్షి గారు.

కేకాక్షి గారూ! నమస్కారం!! మీ పేరుకి అర్థం? మీ కళ్ళని చూసి జనాలు కేకలు పెట్టి పారిపోతారా? లేక, మీ కళ్ళే "కేకా"? లేక మీవి కేకి(నెమలి) కళ్ళా?

కేకాక్షి: నమస్తే రౌడీ గారూ. అది మీరే కనుక్కోండి.

మలక్పేట్ రౌడీ: హా! హా!! హా!!! సరే వదిలెయ్యండి. ఓవర్ టు యూ!"

కేకాక్షి: అందరికీ నమస్కారం. హాట్ సీట్ కోసం కరెంటుతొ కుర్చీని వేడి చేద్దామని నేనంటే ఈ రౌడీ గారే షాకు కొడుతుందని వద్దన్నారు. ఈ సారికి బొగ్గుల కుంపటి తొ కానిద్దాం మా హాట్ సీట్ ని...

మా ఈ కార్యక్రమం పేరు e-ష్టావధానం. 8 ప్రశ్నలు ఉంటాయి...

మా మొట్టమొదటి కాల్చే కార్యక్రమంలోకి 'పిట్స్ బర్గ్ పిచ్చమ్మ' గారిని ఆహ్వానిస్తున్నాం. ఈవిడ గురించి పరిచయం చేయటానికి ఏదైనా చెప్పాలనే ఉంది...కాని నాకు ఈవిడ ఒక ముదురు వెబ్బర్ అని మాత్రమే తెలుసు. మిగితావి ఆవిడనే అడుగుదాం!

కేకాక్షి: పిచ్చమ్మ గారూ మీ ఇంట్లో ఎంతమంది ఉంటారు? మీరు ఏం పని చేస్తూంటారు?

పిచ్చమ్మ: మాది చాల పెద్ద కుటుంబంఅండీ. ఒక అమ్మ నాన్న మరి నేను. పెళ్ళయ్యాక మా ఆయన. ఎవరూ పెద్దగా అయినా చిన్నగా అయినా ఏమీ పని చెయరు. తిని కోర్చుని బోర్ గా అనిపిస్తే టీవీ సీరియల్స్ లాంటివి చూస్తూంటాము.

కేకాక్షి: మీకు చాటింగ్ బ్లాగింగ్ ఎప్పటినుంది అలవాటు? అసలు బ్లాగింగ్ చెయ్యాలని ఎందుకు అనిపించింది?

పిచ్చమ్మ: మా వారు పేకాటకెళ్ళాక అలవాటుగా టీవీ చూద్దాం అని పెడితే తెలుగు ఏంకర్లు అందరూ ఇంగ్లీషులో మాట్లాడేవారే - కొన్నాళ్ళు డిక్షనరీ వాడాను గానీ కష్టంగా అనిపించి టైంపాస్ కోసం నెట్లో చాటింగ్ మొదలుపెట్టా. అక్కడ నా 'మనోభావాలు' మొహమాటం లేకుండా చెప్పటం వల్ల, కుళ్ళుతో యూజర్లు ఇగ్నోర్ చేసేవారు. ఎంత చెత్త వ్రాసినా ఒపిగ్గా చదివి శభాష్ అనేవాళ్ళు బ్లాగుల్లో ఉంటారని తెలిసి పరిగెత్తుకొచ్చేసా!

కేకాక్షి: యువతరానికి ఒక అనుభవమున్న అంతర్జాల సంచారిణిగా మీరిచ్చే సలహా?

పిచ్చమ్మ: నేను సలహాలు ఇచ్చేంత గొప్పదానిని కాను లెండి. కాని అనుభవం తో చెప్తున్నా - ప్రొపైల్ లో ఐశ్వర్యా రాయ్ ఫొటో పెట్టుకోండి - మీకు హిట్లే హిట్లు. అశ్లీలమైన ఫొటో పెట్టుకుంటే ఇంకా మంచిది. ఎవరన్నా ఏమన్నా అంటే ఎం ఎఫ్ హుస్సేన్ కళ్ళజోడు పెట్టుకుని చూడమని చెప్పండి.

మలక్పేట్ రౌడీ (కల్పించుకుంటూ)..... కాని ఆయన్ని విమర్శిస్తే కమ్యూనిష్టులు ఇతర ఉదారవాదులు గొడవ చెయ్యరూ? ఆయన వాళ్ళ దేముడు కదా?

పిచ్చమ్మ: నిజమేనండోయ్. సరే ఆయన విషయం వద్దు గాని ఈ పని చెయ్యండి. ఎవడో ఒక అనామక బూతులరాయుడితో గొడవ పెట్టుకోండి. వాడు కాస్తా మిమ్మల్ని తిట్టిపోస్తాడు. నేరం ఘోరం అంటూ గొడవ చెయ్యండి. స్నేహితులకి చూపించండి. అవసరమయితే బ్లాగు తీసెయ్యండి. మీ అభిమానులు నానా గొడవా చేసాక మళ్ళీ తెరవండి. మీకు హిట్లే హిట్లు. ఉచిత పబ్లిసిటీ. మీరు ఆడ బ్లాగర్ అయితే ఇంకా మంచిది. "అబలలపై అమానుషం" అని ఒక హెడ్ లైన్ కూడా పెట్టుకోవచ్చు!

మలక్పేట్ రౌడీ (మళ్ళీ కల్పించుకుంటూ)..... కాని బ్లాగ్ డిలీట్ చేస్తే మళ్ళీ అన్నీ వ్రాయాలి కదా?

పిచ్చమ్మ: బుఱ్ఱతక్కువ రౌడీ గారూ - డిలీట్ ఎవరు చెయ్యమన్నారు? పర్మిషన్ "సెలక్టెడ్ యూజర్స్" కి మాత్రమే ఇచ్చి ఆ లిస్టు ఖాళీగా ఉంచితే సరి. డేటా పోదు, బ్లాగు ఓపెన్ అవ్వదు. మీరు డిలీట్ చేశారని అందరూ అనుకుంటారు. ఇక సానుభూతే సానుభూతి !

మలక్పేట్ రౌడీ: ..... అమ్మో - పిచ్చమ్మ రాజకీయం !!!!! ఎప్పటిదో బాల్ ఠాకరే గారి రాజీనామా డ్రామా గుర్తొస్తోంది.

పిచ్చమ్మ: నీవు నేర్పిన విద్యయే కదా నీరజాక్షా! తెలుగుపీపుల్ డాట్ కాం సైట్ లో ఎడ్మిన్ తో మీరు గొడవపడి "నేనింక ఇక్కడికి రాను" అని ప్రతిజ్ణ చేసినప్పుడు మీ స్నేహితులందరూ గొడవచేసి పంతం నెగ్గిచ్చుకోలేదా? అది రాజకీయమని మీరే ఒప్పుకున్నారుగా?

మలక్పేట్ రౌడీ: ష్ ష్ ష్

పిచ్చమ్మ: అదే మరి! చివరికి ఆ ఎడ్మిన్ మీ క్లోస్ ఫ్రెండ్ అని తెలిశాక మింగలేక కక్కలేక మిరు పడ్డ అవస్త చూస్తే ఇప్పటికీ నవ్వొస్తుంది. తెలియక చేసింది కాబట్టి వ్యక్తిగతంగా గొడవ జరగలేదు - అది వేరే సంగతి!

కేకాక్షి: సరే సరే! ... మీకు నచ్చిన బ్లాగు

పిచ్చమ్మ: నాదే. ఏది పడితే అది బరుక్కోవచ్చు. ఏవరైనా విమర్శిస్తే ఆ కామెంటు తీసెయ్యచ్చు. నా భజనపరుల చేత వారిని తిట్టించచ్చు. లేకపోతే నా పోస్టు నేనే తీసేసుకుని ఎవరో కుళ్ళుమోతు కొండముచ్చు నా పోస్టులు టెంప్లేటులు తీసేసాడని గొడవ చెయ్యచ్చు - ఇంకా చాలా చాలా ..

కేకాక్షి: ఎవరయినా మీ బ్లాగ్ కి వచ్చి మీ రచనలు చెత్త, కాపీ అంటే ఎలా రియాక్టౌతారు?

పిచ్చమ్మ: నేనేమీ రియాక్ట్ అవ్వనండీ. కానీ ఆ మాట అన్నవాడు బ్లాగ్లోకం లో మిగలడు

కేకాక్షి: మీ ఆయన మరో మగవాడిని ఇంటికి తీసుకొచ్చి ప్రేమిస్తున్నాను అంటే మీరేమంటారు?

పిచ్చమ్మ: ఏమంటాను? ఏమీ అనను - పాత మనోజ్ కుమార్ పాట ఒకటి ప్లే చేస్తాను -

"బస్ యహీ అప్రాధ్ మై( హర్ బార్ కర్తా హూ (
ఆద్మీ హు ( ఆద్మీ సే ప్యార్ కర్తా హూ ("


కేకాక్షి: ఇప్పుడు ఇంటర్వ్యూ లో ట్విస్ట్. మిగతా రెండు ప్రశ్నలూ రౌడీ గారికి!

మలక్పేట్ రౌడీ: ఇది అన్యాయం అక్రమం. నా బ్లాగు మూసేస్తా. నా టెంప్లేట్ మీరే మార్చారని గొడవ చేస్తా!

కేకాక్షి: ఆ పప్పులేం ఉడకవుగానీ ... శ్రద్ధగా వినండి

మలక్పేట్ రౌడీ: హతోస్మి!

కేకాక్షి: ఇదొక సమస్యాపూరణం

మలక్పేట్ రౌడీ: అమ్మో నా వల్ల కాదు!

కేకాక్షి: మరి మీ అమ్మగారు భోజరాజీయం లో పీ హెచ్ డీ, గోల్డ్ మెడల్ అని తెలుగుపీపుల్ డాట్ కాం లో మీరే గొప్పగా చెప్పుకున్నారుగా?

మలక్పేట్ రౌడీ: "పండితపుత్ర" సామెత వినలేదా? ఇప్పటికీ మా అమ్మ అంటుంది "ఒరేయ్! నువ్వు నన్ను పండితురాలిని చేశావురా!" అని ..

కేకాక్షి: (స్వగతం): కుళ్ళిందిలే - జోకు!

మలక్పేట్ రౌడీ: ఏమిటీ సణుక్కొంటున్నారు?

కేకాక్షి: అబ్బే ఏమీ లేదు - జోకు పేలింది అనుకుంటున్నా - అంతే! అంతే!!

సరే సమస్యకొద్దాం - మీకు నాలుగవ పాదం ఇస్తున్నా. పద్యం ఛందోబధ్ధంగా ఉండనక్కరలేదు - వినండి ..

"రవిగారి కరమున జ్యోతి భగభగ మండెన్"


మలక్పేట్ రౌడీ: ఏంటండోయ్ - ఈ బ్లాగులసీమ ఫేక్షన్ / ముఠా తగాదాల్లో నన్ను ఇరికిస్తున్నారా? నేనొప్పుకోను!

కేకాక్షి: అబ్బే! లేదు లేదు ... తెలుగు బ్లాగులతో సంబంధం లేకుండా చెప్పాలి!

మలక్పేట్ రౌడీ: అయితే ఓకే!! వినండి!!!

"అరవిందుడు వెలిగించిన దీపంబును
వచ్చి గాలి కదిలింపంగా
పడిపోయెను వత్తి భా
రవిగారి కరమున జ్యోతి భగభగ మండెన్"


(అల్లు అరవింద్ ఏదో సభలో దీపం వెలిగిస్తే అది గాలివాటుకు ప్రక్కనే ఉన్న భాస్కరభట్ల రవికుమార్ (భారవి) గారి చేతిలో పడింది అని భావము)

కేకాక్షి: ఈ బ్లాగవతం మీద ఒక పేరడీ ప్లీజ్!

మలక్పేట్ రౌడీ: (టక్కరి దొంగ - "నలుగురికి నచ్చినది" పాటకి అనుగుణం గా)

నలుగురికి నచ్చిన బ్లాగ్ నాకసలే ఇక నచ్చదురో
నరులెవరూ చూడని బ్లాగ్ - ఆ బ్లాగ్నే నే వ్రాసెదరో

చదవవా దాన్నోరన్నో - అది నీ దురద్రుష్టం
చెత్తని నువ్వనుకున్నా - నా బ్లాగది నా ఇష్టం!!

బ్లాగర్లందరూ ఒకవైపూ రౌడీ ఒకవైపూ
మీరు అందరూ ఒక టైపూ - నేనింకొక టైపు!!

--------------------

నీ బ్లాగులో నువ్వు వ్రాయటం నథింగ్ స్పెషల్
అందరి బ్లాగులూ కెలికి రావడం సంథింగ్ స్పెషల్ ...

నువ్వు ఎవరికో మెయిలు ఇవ్వడం నథింగ్ స్పెషల్
అందరి మెయిల్సూ నువ్వు చదవడం సంథింగ్ స్పెషల్ ...

కాగడాని చూసి బ్లాగు ముయ్యటం నథింగ్ స్పెషల్
కాగడాని చూసి బ్లాగు ముయ్యటం నథింగ్ స్పెషల్
నిన్ను చూసి తను డోక్కోవడం సంథింగ్ స్పెషల్!!!!!!!!! ...

నలుగురికి నచ్చిన బ్లాగ్ నాకసలే ఇక నచ్చదురో
నరులెవరూ చూడని బ్లాగ్ - ఆ బ్లాగ్నే నే వ్రాసెదరో


మలక్పేట్ రౌడీ మరియు కేకాక్షి: పిచ్చమ్మ గారూ - ఇంక మీ కుర్చీ కింద పెట్టిన కుంపట్లో బొగ్గులు చల్లబడ్డాయి. ఈ హాట్ సీట్ కూల్ గా మారకముందే మనమీ కార్యక్రమం ముగిద్దాం. మీ అమూల్యమైన బ్లాగ్ సమయాన్ని మాకు కేటాయించినందుకు చాలా ధన్యవాదాలు!

పిచ్చమ్మ: నాకిలాంటి అవకాశం ఇచ్చినందుకు మీకు కూడా ధన్యవాదాలండీ!

మలక్పేట్ రౌడీ మరియు కేకాక్షి:

శ్రోతల్లారా, పాఠకులారా, దిగాలు పడ్డ బ్లాగరులారా
పదండి ముందుకు పదండి త్రోసుకు
పోదాం పోదాం తరువాయి ఇంటర్వ్యూకి
కానీ ఆగాలి అందరం వచ్చేవారం దాకా!